Халқаро футбол федерацияси (ФИФА) Ўзбекистон терма жамоасининг ЖЧ—2018 турнирига саралаш босқичидаги рақиби — Эрон термасининг икки етакчи футболчиси ва ёрдамчи мураббийини дисквалификация қилди, деб хабар бермоқда «Championat.asia».
Хабарда қайд этилишича, ЖЧ–2018 саралаши доирасидаги Эрон – Қатар (2:0) учрашувида Ризо Ғучаннажод урган голдан сўнг эронликлар ёрдамчи мураббийи Жавод Некунам майдон ичига югуриб, голни нишонлаган. Бунинг натижасида футболчилар орасида можаро келиб чиққан. Унда Сардор Азмун ва Эҳсон Хожсафи ҳам иштирок этган.
Оқибатда эса ФИФА ҳар икки икки футболчини 1 та ўйинга дисквалификация қилди. Улар 15 ноябрь куни Сурияга қарши Малайзияда бўлиб ўтадиган баҳсда Эрон терма жамоасига ёрдам бера олмайди.
Жавод Некунамнинг хатти-ҳаракати ёшлар учун ёмон ўрнак бўлиши мумкинлиги туфайли мураббий 3 та ўйинда захира ўриндиғида ўтирмайди.
Изоҳ (0)