Испаниянинг «Патакона» футбол клуби тарбияланувчилари «Барселона» футболчиларининг «Валенсия»га қарши (3:2) Ла Лига 9-тур ўйинидаги спортга хос бўлмаган хатти-ҳаракатини такрорлаб, четдан кузатганда ғалати кўринишини кўрсатиб берди. Бу ҳақда «iSport.ua» хабар бермоқда.
«Валенсия»га қарши учрашув якунида Лионель Месси пенальтидан унумли фойдаланиб, «Барселона»га ғалаба келтирган гол муаллифи бўлди.
Каталонияликлар голни нишонлаётган вақтда рақиб жамоа мухлиси сув идишини каталонияликлар томон улоқтирди. Сув идиши зарбасидан жароҳат олганини симуляция қилган Неймар билан Суарес узоқ вақт ўрнидан турмади.
«Барселона» футболчиларининг бундай хатти-ҳаракатлари кескин танқид қилинди. Ҳатто Ла Лига президенти Хавьер Тебас ва Испания футбол федерацияси Тартиб-интизом қўмитаси ушбу ҳаракатларни қоралади.Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)