Америкалик хонанда Боб Дилан Швеция академиясига адабиёт бўйича Нобель мукофотини қабул қилишга розилигини билдирди. Бу ҳақда 28 октябрь, жума куни мазкур халқаро мукофот сайтида маълум қилинди, дея хабар беради «РБК».
Дилан Швеция академияси доимий котиби Сара Даниус билан боғланиб, мукофот тақдим этилгани ҳақидаги хабар уни «тилдан қолдиргани»ни билдирган.
«Мукофотни қабул қиламанми? Албатта! Менга кўрсатилган бундай эътибор учун жуда миннатдорман», — дея таъкидлади хонанда.
Дилан 10 декабрь куни Стокгольмда бўлиб ўтадиган тақдирлаш маросимида иштирок этиши ҳозирча маълум эмас. Унинг ўзи «бунинг имкони туғилса, маросимда қатнашиш истагида эканлиги»ни маълум қилган.
Изоҳ (0)