2016 йилнинг 4 декабрь куни Ўзбекистон Президенти сайлови бўлиб ўтади. Мамлакатда рўйхатга олинган барча сиёсий партиялар сайловда қатнашадиган ўз номзодлари номини маълум қилди.
14 октябрь куни Ўзбекистон Халқ демократик партияси Ҳотамжон Кетмоновни Президентликка номзод этиб кўрсатди. 15 октябрь куни эса «Адолат» социал-демократик партияси Наримон Умаровни, «Миллий тикланиш» демократик партияси эса Сарвар Отамуратовни номзод сифатида илгари сурди. 19 октябрь куни ЎзЛиДеП номзод номини расман маълум қилди — Шавкат Мирзиёев.
Маълумот учун, жорий сайловлар ЎзХДП раҳбари Ҳотамжон Кетмонов ва «Адолат» СДП раиси Наримон Умаров учун иккинчиси ҳисобланади. Уларнинг ҳар иккиси 2015 йилги Президент сайловида ҳам қатнашган эди. Ўзбекистон Биринчи Президенти Ислом Каримовнинг ғалабаси билан якунига етган аввалги сайловда Кетмонов сайловчиларнинг 2,92 фоиз, Умаров эса 2,05 фоиз овозини қўлга киритган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)