Ди Каприо коррупция иши бўйича АҚШ Адлия вазирлиги билан ҳамкорлик қилмоқда
Актёр Леонардо Ди Каприо 1MDB Малайзия давлат жамғармаси билан алоқадор шахслардан пул маблағларини олганлиги тахмин қилинаётган иш бўйича АҚШ Адлия вазирлиги билан тўлиқ ҳамкорлик қилмоқда. Бу ҳақда The Wall Street Journal газетаси маълум қилди, деб ёзади «ТАСС».
Ди Каприо агар хайрия пуллари коррупцияга алоқадор кишилар ёки ташкилотлардан тушганлиги аниқланса, уларнинг барчасини қайтаришга тайёр.
«Леонардо Ди Каприо ва унинг хайрия жамғармаси (Leonardo DiCaprio Foundation, LDF) мазкур шахсларга тўғридан-тўғри ёки билвосита алоқадор бўлган ихтиёрий эҳсонлар ёки совғалар қабул қилган-қилмаганлигини аниқламоқда. Агар бу тасдиқланса, совға ва эҳсонлар қисқа вақт ичида қайтарилади», — дейди актёрнинг вакили.
Унинг сўзларига қараганда, Америка ҳукумати ўз гумонлари ҳақида маълум қилгандан буён Ди Каприо АҚШ Адлия вазирлиги билан тўлиқ ҳамкорлик қилмоқда.
Эслатиб ўтамиз, ўтган ҳафта Bruno Manser номидаги Швейцария жамғармаси раҳбари Лукас Стауменн америкалик актёр Леонардо Ди Каприони БМТнинг иқлим бўйича элчиси лавозимини тарк этишга чақирди. Бунга сабаб сифатида актёрнинг коррупцион схемаларга алоқадорлиги борасидаги айбловлар кўрсатилди.
