18 октябрь куни кундузи ва 19 октябрга ўтар кечаси Ўзбекистоннинг Қорақалпоғистон Республикаси, Хоразм ва Сурхондарё вилоятларидан бошқа барча ҳудудларида ёғингарчилик кузатилди, дея ахборот бермоқда «Ўзгидромет» (.pdf).
Мамлакат бўйича энг кўп ёғин тоғли ҳудудларга тушган. Хусусан, Чимёнга 28 миллиметр ёғин тушган, ҳудудда ёмғир қорга айланган, туман тушган.
Шаҳарлар орасида энг кўп ёғингарчилик Жиззах шаҳрида ва Андижон вилоятининг Қўрғонтепа шаҳрида кузатилган. Ҳар иккала аҳоли яшаш пунктида 20 миллиметрдан ёғин тушган, Жиззахда ёмғир қорга айланган.
Пойтахт Тошкентда ҳам қарийб Жиззах ва Қўрғонтепадагичалик ёғингарчилик кузатилган — 19 миллиметр. Шаҳарда бошланган ёмғир кейинчалик қорга айланган, сўнг яна ёмғир бўлиб ёққан.
Қайд этилган саналарда мамлакат бўйича энг кучли шамоллар Фарғона вилоятидаги Қўқон шаҳрида (сониясига 25 метр) ва Сурхондарё вилояти маъмурий маркази Термизда (сониясига 21 метр) қайд этилган.
Маълумот учун, 20 октябрга ўтар кечаси ва 20 октябрь куни кундузи фақат Фарғона водийси вилоятлари ва мамлакатнинг тоғли ҳудудларида ёғингарчилик эҳтимоли бор.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)