Париж жанубидаги Вири-Шатийон шаҳри, Гранд Борн туманида жиноятчилар кузатув камерасини қўриқлаётган икки полициячини тириклайин ёқиб юборишга ҳаракат қилди. Улар полиция машинасига алангаланувчи ёқилғи солинган шиша идишни улоқтирди, полициячилар эса оғир жароҳатлар билан касалхонага етказилди. Бу ҳақда «ТАСС» хабар бермоқда.
«Шаҳарнинг асосий чорраҳаларидан бирида ўрнатилган камера олдинлари бир неча бор жиноятчилар хуружига дуч келган. Бу айнан шу ерда бандитлар светофор олдида тўхтаган ҳайдовчиларга ҳужум қилиб, талончилик қилгани ёки калитини олиб қўйиб, автомобилини олиб қочгани билан боғлиқ», — маълум қилди Франция полиция ходимлари касаба уюшмаси вакили Николя Конт.
BFM-TV телеканалига кўра, полиция патруль машинаси чорраҳада олдингиси йўқ қилинганидан сўнг доимий равишда камерани қўриқлаётганди. Тахминан 15 кишидан иборат жиноятчилар ҳужум уюштирганда полициячилар кўмак сўрашга улгурди, бироқ иккинчи машина ҳам ёқиб юборилди, ундаги икки полициячи эса енгил яраланди.
Ҳозирда шаҳарга ҳуқуқ-тартибот идораларининг кўп сонли кучлари ташланди. Бироқ ҳужум қилганлардан ҳеч бирини аниқлаш ва қўлга олишга муваффақ бўлинмади.
Изоҳ (0)