Жаҳон банкининг Марказий Осиё бўйича янги минтақавий директори Лилия Бурунчук Ўзбекистонга келди. Бу ҳақда банкнинг Тошкентдаги офиси вакиллари маълум қилди, дея хабар беради UzDaily.
Ташриф доирасида Лилия Бурунчук Ўзбекистон Республикаси Бош вазирининг биринчи ўринбосари, молия вазири Рустам Азимов билан учрашди.
Музокаралар чоғида Бурунчук Жаҳон банки иқтисодиёт рақобатбардошлигини ошириш, бизнес-муҳитни яхшилаш, инфратузилмани ривожлантириш ҳисобига 2030 йилга келиб даромади ўртадан юқори давлатлар қаторига киришни мақсад қилган Ўзбекистоннинг ишончли шериги бўлиб қолишини тасдиқлади.
Шунингдек, минтақавий директор Ўзбекистонга ташрифи давомида Жаҳон банки томонидан молиялаштирилаётган бир неча лойиҳанинг амалга оширилиши билан танишди.
Изоҳ (0)