Эронга мағлуб бўлган Ўзбекистон, Самарқандга келган Лукашенко, янги очилган «Ислом ота» жомеъ масжиди ва куннинг бошқа муҳим янгиликлари

6 октябрнинг эътиборга молик янгиликлари — «Дарё»нинг кечки дайжестида.

1. Ўзбекистонни мағлуб этган Эрон Самвел Бабаяннинг 9 ўйинлик ғалабали сериясига якун ясади. Ўзбекистон ўйин давомида Эрон дарвозаси томон тайинли бир зарба бера олмади.

2. Александр Лукашенко Самарқандга ташриф буюрди. Лукашенко Ҳазрати Ҳизр қабристонига ташриф буюриб, Ислом Каримов қабрига гуллар қўйди.

3. Сергели туманида 500 та кўп қаватли уй барпо этиш бўйича лойиҳа ишлаб чиқилди. Бу лойиҳанинг амалга оширилиши қарийб 30 минг оиланинг янги уй-жойга бўлган эҳтиёжини қондириш имконини яратади.

4. Самарқанд трамвайи ҳақида: унинг тарихи, унинг тарихий фотолари, унинг қайси кўчалардан ҳаракатланиши ҳақида.

5. «Ислом ота» жомеъ масжиди очилиши муносабати билан эҳсон оши берилди. Масжиднинг янги биноси «Юртбошимизнинг кенжа қизлари Лола Каримова-Тиллаева ва куёвлари Тимур Тиллаев ҳомийлигида» буткул қайта қурилган.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.