БМТ бош котиби Пан Ги Мун АҚШ Давлат котиби Жон Керрига Россия билан Сурия ва бошқа масалаларда ҳамкорликни давом эттириш зарурлигини уқтирди. Бу ҳақда бош котиб расмий вакилининг ўринбосари Фархан Ҳақ маълум қилди, дея хабар беради «ТАСС».
«Бош котиб Брюсселда, Афғонистон донорлари конференциясидаги иштироки чоғида Жон Керри билан учрашиб, Қўшма Штатлар ҳамда Россиянинг Сурия масаласидаги ҳамкорлигини давом эттириш зарурлигини уқтирди», — дея таъкидлади Фархан Ҳақ.
Расмий вакил ўринбосарига кўра, Пан Ги Мун Москва ва Вашингтон Сурияда ўт очишга барҳам бериш бўйича музокараларни тўхтатганидан афсусланган. АҚШ ва Россиянинг қурол плутонийси борасидаги ҳамкорлиги давом этишига умид билдирган.
Изоҳ (0)