Беларусь президенти Александр Лукашенко 6 октябрь, пайшанба куни ишчи ташриф билан Ўзбекистонга ташриф буюрди. «Газета.uz» хабарига кўра, бортида Беларусь давлат раҳбари бўлган самолёт Самарқанд аэропортига қўнди.
Беларусь президенти матбуот хизмати хабарига кўра, Александр Лукашенкони Ўзбекистон Президенти вазифасини бажарувчи, бош вазир Шавкат Мирзиёев кутиб олган.
Александр Лукашенко Шоҳи Зинда хотира мажмуаси ёнида жойлашган Ҳазрати Ҳизр қабристонига ташриф буюриб, Ислом Каримов қабрига гуллар қўйди. Шундан сўнг йиғилганлар Ўзбекистон Биринчи Президенти хотирасига бир дақиқа сукут сақлади.
Шундан сўнг Александр Лукашенко Форумлар саройига ташриф буюриб, Ислом Каримов сурати остига гуллар қўйди. Шу ерда Лукашенко Ўзбекистон Биринчи Президенти турмуш ўртоғи Татьяна Каримова билан мулоқотда бўлиб, унга ҳамдардлик билдирди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)