Шотландиялик олимлар кучсизроқ зилзилалар содир бўлган вақтларда Марсда водород ажралиб чиқишини аниқлади, бу эса содда ҳаёт шакллари учун энергия манбаси ҳисобланади. Бу ҳақда Astrobiology илмий журналида чоп этилган мақолада сўз боради.
Жумладан, улар ёриқлар яқинида ҳаётни таъминлаш учун етарли миқдорда водород ажралиб чиқаётганлигини исботлашга эришди.
Бундан ташқари, олимлар Ердаги сейсмик фаоллик кузатиладиган тектоник ёриқлар атрофида пайдо бўладиган суюқликларнинг кимёвий таркибини ҳам батафсил таҳлил қилди.
Олимларнинг маълум қилишича, улар аниқлаган моделлар Қизил сайёра учун ҳам мос келади. Чунки Марсда ҳам ер силкинишлари кузатилади.
Шунга қарамасдан, уларнинг хулосаларини Марсда тажриба орқали синаб кўрилиши лозим.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)