Ўзбекистон ташқи ишлар вазири Абдулазиз Комилов бошчилигидаги делегация 22 сентябрь куни Нью-Йоркда Ислом ҳамкорлик ташкилоти (ИҲТ)га аъзо давлатлар ташқи ишлар вазирларининг Мувофиқлаштирувчи учрашувида иштирок этди. Бу ҳақда Ўзбекистон ТИВ матбуот хизмати хабар бермоқда.
Ўзбекистон томони ташқи сиёсат идоралари раҳбарларига 2016 йилнинг октябрь ойида Тошкент шаҳрида бўлиб ўтадиган ИҲТ Ташқи ишлар вазирлари кенгашининг 43-сессиясига тайёргарлик кўриш жараёни ҳақида, жумладан, муҳокама қилинадиган масалалар ҳамда бўлажак форумнинг дастури ва бошқа амалий жиҳатлари тўғрисида маълумот берди.
Маълумот учун, Абдулазиз Комилов бошчилигидаги Ўзбекистон делегацияси БМТ Бош Ассамблеясининг 71-сессияси ишида иштирок этиш учун АҚШнинг Нью-Йорк шаҳрида ташриф билан бўлиб турибди.
Изоҳ (0)