Ўзбекистон Республикаси Ички ишлар вазирлигида бир қатор ўзгаришлар юз берди. Бу ҳақда ИИВнинг «На посту» нашрига таяниб, «Gazeta.uz» хабар берди.
Жумладан, полковник Саидкарим Нишонбоев мамлакат ички ишлар вазири ўринбосари этиб, Айтбай Темирханов эса Қорақалпоғистон ички ишлар вазири этиб тайинланди.
Полковник Алишер Эргашев Ўзбекистон ИИВ Ҳуқуқбузарликларнинг олдини олиш бош бошқармаси бошлиғи бўлди. ИИВ Жиноий қидирув ва терроризмга қарши кураш бош бошқармаси бошлиғининг биринчи ўринбосари лавозимида полковник Нодир Қурбонов фаолият юритади.
Фарғона водийси ички ишлар органларида ҳам бир қатор лавозим ўзгаришлари қайд этилди. Вилоят ИИБ Ҳуқуқбузарликларнинг олдини олиш бошқармаси бошлиғи лавозимига подполковник Фаррух Ўсаров, Фарғона шаҳар ички ишлар бошқармасига подполковник Раҳмонали Мусаев, Қўқон ИИБга подполковник Азимжон Юлдашев, Қувасой ички ишлар бўлимига подполковник Қудратжон Ўринбоев, Учкўприк туман ИИБга подполковник Зиёҳидин Ғафуров раҳбар этиб тайинланди.
Подполковник Отабек Сайдаҳмедов Самарқанд вилоят Қўшработ туман ички ишлар бўлимини бошқаради.
Изоҳ (0)