Олимлар халқаро гуруҳи тўқ кўк ранг (индиго)га бўялган дунёдаги энг қадимий матони топди. Айни пайтда ушбу бўёқ жинси мато тайёрлашда қўлланилади. Ихтиро ҳақида Science журналида эълон қилинди.
Артефакт Перунинг шимолий соҳилларидаги Уака Приета тепалигида аниқланди. Олимлар сўзларига кўра, пахта толасидан қилинган мато парчасини топиб олишганида, унинг ранги тўпроқ туфайли кўринмаган. Аммо пухталик билан ювиб тозалангач, у кўк рангга бўялгани маълум бўлган. Кимёвий таҳлил натижалари бўёқ таркибига индигонинг асосий компонентлари — индиготин ва индирубин кимёвий бирикмалари кирганини кўрсатди.
Мутахассислар ҳисоб-китобларига кўра, топилманинг ёши олти минг йилга етади. Бунгача индиго рангидаги энг қадимий буюм Мисрда топилган тўрт минг йиллик мато бўлаги ҳисобланарди.
Изоҳ (0)