Рио шаҳрида давом этаётган XV ёзги Паралимпиада ўйинларида Ўзбекистон делегацияси олтинлари сонини 6 тага етказиб олди.
Фестивальнинг тўртинчи кунида Фотима Омилова делегациянинг бешинчи олтин медалини қўлга киритди. 100 метрга брасс усулида сузиш мусобақасида ўзбекистонлик спортчи 1:12.45 сониялик натижа кўрсатди. Бу унга нафақат Паралимпиада чемпионлигини тақдим этди, балки жаҳон рекордини янгилаши учун ҳам хизмат қилди.
Эркаклар ўратасида беллашувларда эса Фирдавс Мусабеков олтин медаль билан тақдирланди. 1:04.94 сониялик натижа кўрсатган Мусабеков украиналик спортчи билан бир хилда натижа қайд этгани эътиборга молик. Рио—2016 ташкилотчилари ҳар икки спортчига ҳам 1 тадан олтин тақдим этди.
Изоҳ (0)