Хосе Мария Мендес бошчилик қилаётган Ўзбекистон футзал терма жамоаси мундиалдаги илк учрашувида Панамага имкониятни бой берди — 1:3.
Панама терма жамоаси КОНКАКАФ минтақасининг вице-чемпиони сифатида турнирга ташриф буюрганди. Шимолий Америка чемпионатининг финалида Коста-Рикадан 0:4 ҳисобида енгилган Панама, Осиё вице-чемпиони бўлган Ўзбекистонни мағлуб этди.
Ўзбекистон миллий терма жамоасининг жаҳон чемпионатларидаги илк голига Жавлон Аноров муаллифлик қилди.
11 сентябрь куни соат тонгги 8:00 да «А» гуруҳининг иккинчи учрашуви бўлиб ўтади ва унда мезбон Колумбия терма жамоаси Португалияга қарши саф тортади.
Ўзбекистон футзал терма жамоаси 2-турни 14 сентябрь куни тонгги 8:00 да Колумбияга қарши ўтказади.
ЖЧ—2016 «А» гуруҳи. 1-тур 11 сентябрь, якшанба
Ўзбекистон — Панама 1:3
Гол: Абдиел Кастреллон, 16 (0:1). Майкл Де Леон, 30 (0:2). Фернандо Мена, 36 (0:3). Жавлон Аноров, 39 (1:3).Ўзбекистон: Рустам Умаров — Дилшод Раҳматов, Фарҳод Абдумавлонов, Артур Юнусов, Константин Свиридов.Захира: Акмал Хазратқулов, Дилшод Ирсалиев, Нодир Элибоев, Шуҳрат Тожибоев, Даврон Чориев, Машраб Одилов, Илҳом Хамроев, Жавлон Аноров, Феруз Фахриддинов.
Панама: Жейми Лондоно — Оскар Хинкс, Фернандо Мена, Эдгар Rivaс, Карлос Перез.Захира: Даниэл Атенсио, Хозе Викториа, Жошуа Браун, Хорхе Перес, Клаудио Гудриж, Анхел Санчес, Майкл Де Леон, Абдиел Кастреллон, Ариэл Кастилло.
Изоҳ (0)