Брунейда таҳсил олаётган ўзбек талабалари — Авазбек Ғаниев ва Умиджон Қурбонов Ўзбекистон мустақиллигининг 25 йиллигига бағишланган тадбир уюштирди. Бу ҳақда Умиджон Қурбонов «Дарё» интернет-нашрига маълум қилди.
Брунейда давлат гранти асосида таълим олаётган Авазбек ва Умиджон, Ўзбекистон Мустақиллик кунига бағишланган байрамона тадбирнинг асосий ташкилотчилари сифатида, брунейлик ва бошқа чет эллик талабаларга ўзбекча ош тақдим этди.
«Ўзбекистонда ёшларга яратиб берилган имкониятлар чет элда таҳсил олишдек бахтни тақдим этди. Фурсатдан фойдаланиб, хорижда Ўзбекистон номини янада юқорига кўтаришга қўлдан келганча ҳаракат қиляпмиз. Мазкур тадбир халқимиз меҳмондўстлигининг бир намойиши бўлди», — дейди Умиджон Қурбонов.
Умиджоннинг қўшимча қилишича, ҳозирги вақтда Брунейда фақат икки нафар ўзбекистонлик талаба таълим олмоқда.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)