5 сентябрь, душанбадан бошлаб «Тошкент—Андижон—Тошкент» йўналиши бўйлаб «Ўзбекистон» поездининг мунтазам ҳаракати йўлга қўйилади. Бу ҳақда «Ўзбекистон темир йўллари» АЖ ахборот хизмати хабар бермоқда.
Масофа олти соатда босиб ўтилади: поезд Тошкент марказий вокзалидан 8:05 да жўнаб кетиб, Андижон вокзалига 14:05 да етиб боради. 15:25 да эса Андижондан ортга қайтиб, 21:25 да пойтахтга кириб келади. Поезд Поп, Қўқон ва Марғилон вокзалларида тўхтаб ўтади.
Вагонлар уч тоифага бўлинган: Econom — 45 минг сўм, Business — 68 минг сўм ва VIP — 130 минг сўм. Янги йўналиш ҳақидаги батафсил маълумотни 1005 қисқа рақамидан билиш мумкин.
Изоҳ (0)