Тошкент шаҳар ҳокимининг 2016 йил 29 июлдаги 122-ф-сонли фармойишига кўра, Ўзбекистон Республикаси давлат мустақиллигининг 25 йиллик байрами муносабати билан 2016 йил 1 сентябрь куни соат 11:00 дан 18:00 гача Тошкентдаги хиёбон ва истироҳат боғларида бўлиб ўтадиган халқ сайили ҳамда байрам тадбирлари режаси тасдиқланди. Бу ҳақда Тошкент шаҳар ҳокимлиги ахборот хизмати хабар бермоқда.
Унга кўра, Алишер Навоий номидаги Ўзбекистон Миллий боғида, Абдулла Қодирий, Бобур, Мирзо Улуғбек, Фурқат, Ғафур Ғулом номидаги маданият ва истироҳат боғларида, Тошкент ҳайвонот боғи, Ўзбекистон Давлат цирки, Ўзбекистон Республикаси Мудофаа вазирлиги Маънавият маърифат маркази, «Бахт диёр» гузари олди майдонларида, «Локомотив», «Қуёшча нури» маданият ва истироҳат боғларида алоҳида дастурлар асосида байрам тантаналари ўтказилади.
1 сентябрь кунги байрам тантаналари соат 20:00 даги байрам салютларига уланиб кетади.
Изоҳ (0)