Хонанда Лоланинг маъмури — Амалия Ҳуснитдинованинг Instagram’даги саҳифасида унинг актёр Йигитали Мамажонов билан бирга тушган сурати эълон қилинди. Суратга Амалия: «Эр», — деб изоҳ қолдирган.
Бу сурат ва унга қолдирилган изоҳ актёр Йигитали Мамажоновнинг мухлислари томонидан қизғин муҳокама этилди. Айни вақтда, актёрнинг Instagram-саҳифасида ҳам унинг Амалия билан тушган сурати эълон қилинди.
Унда Йигитали: «Лоланинг клипини тасвирга олиш жараёнида», — деган тагсўз қолдирган. Маълум бўлишича, Йигитали ва Амалия Лоланинг янги — «Хабар ол» номли қўшиғи клипида бош ролларни ижро этмоқда.
Сўнгги вақтларда Йигиталининг Instagram’ида унинг турли актрисалар, моделлар билан бирга тушган суратлари тез-тез пайдо бўлмоқда. Аввалроқ унинг актрисалар Ситора Алимжонова ва Сўғдиёна Азимова билан тушган суратлари ҳам муҳокамаларга сабаб бўлган эди.
Маълумот учун, Йигитали Мамажонов 2012 йилнинг ноябрида хонанда Райҳон Ғаниева билан оила қурган эди. 2014 йил май ойида жуфтлик эгизак фарзандли бўлди, 2015 йил январида эса Райҳон ажрашишга ариза бергани, 2016 йил майида эса Йигитали ва Райҳоннинг никоҳи қонунан бекор қилингани маълум бўлди.
Фото: Йигитали Мамажонов — ресторанда. Ёнида — яна ўша қиз
Фото: Йигитали Мамажонов — чимилдиқда. Ёнида келинчак билан
Изоҳ (0)