Филиппин президенти Родриго Дутерте сўл радикал исёнчилар билан ўт очиш тўхтатилганини эълон қилди, деб ёзади «ТАСС». Мамлакат армияси бир неча ўн йиллардан буён улар билан жанг қилиб келаётган эди.
20 август, шанба куни давлат раҳбарининг тинчлик музокаралари бўйича маслаҳатчиси Жесус Дуреза тарқатган баёнотда айтилишича, қарор 21 августдан кучга киради.
Таъкидланишича, «ўт очишнинг тўхтатилиши 22 август куни Ослода томонлар ўртасидаги тинчлик музокаралари қайта бошланишига бағишланган».
Сўл радикал оқимидаги кучларни, жумладан, тақиқланган Филиппин компартияси ва унинг назорати остидаги «Янги халқ армияси» исёнчи қуролли гуруҳини бирлаштирувчи Филиппин миллий демократик фронти 1960 йиллар охиридан буён Филиппин ҳукуматидан коммунистик мафкурага эга мустақил давлат тузиш ҳуқуқини қўлга киритишга уринмоқда.
Изоҳ (0)