Туркиянинг Ван провинциясида юз берган портлаш натижасида уч киши ҳалок бўлди, яна 71 киши жароҳатланди. Бу ҳақда Anadolu агентлиги ҳукумат вакилларига таяниб маълум қилди, деб ёзади «ТАСС».
Провинциядаги «Адолат ва тараққиёт партияси» раҳбари Зоҳир Соганда агентликка хабар беришича, 71 нафар жабрланувчининг уч нафари оғир аҳволда, улар орасида 17 полициячи ҳам бор.
Мавжуд маълумотларга кўра, теракт Ипекойлу туманидаги полиция участкаси яқинида содир бўлган. Бомба бино ёнида тўхтаб турган автомобиль ичида бўлган. Ҳукумат терактни Курдистон ишчилар партияси вакиллари амалга оширган, деб ҳисобламоқда.
Изоҳ (0)