Ҳиндистонлик машҳур актёр Шоҳрух Хон кеча 11 август куни кечқурун Лос-Анжелес аэропортида қўлга олинди ва покемонларни тутаётгани учун иммиграция хизмати ходимлари томонидан сўроқ қилинди, деб хабар бермоқда «ТАСС».
«Дунёда қабул қилинган хавфсизлик чораларини тушунаман ва бутунлай ҳурмат қиламан. Лекин ҳар сафар АҚШ иммиграция хизмати томонидан қўлга олиниш мени чарчатди», – дея ёзди таниқлик актёр Twitter’даги саҳифасига.
Шоҳрух Хоннинг сўзларига кўра, вақтни ўтказиш мақсадида у машҳур ўйин – Pokemon Go’ни ўйнаган. Аммо ҳинд киноси билан таниш бўлмаган аэропорт ходимлари Шоҳрух Хоннинг хатти-ҳаракатидан гумонланган ва ҳуқуқ-тартибот хизмати вакилларига мурожаат қилган. Шундан сўнг Шоҳрух Хон қўлга олиниб, сўроқ қилинди.
Бу Шоҳрух Хоннинг АҚШ аэропортида биринчи қўлга олиниши эмас. 2012 йилда ҳиндистонлик актёр бошқа таниқли ҳамкасблари билан талабалар олдида чиқиш қилиш учун Нью-Йорк шаҳрига учиб келганида америкалик ҳуқуқ-тартибот ходимларига тушунтириш ишларини олиб борган. Ўшанда актёр қарийб икки соат давомида сўроқ қилинганди.
Изоҳ (0)