Актёр Йигитали Мамажонов Instagram’даги саҳифасида: «Урф-одатларимиз жуда ҳам гўзал-да!», деган изоҳ билан эълон қилан сурати турли муҳокамаларга сабаб бўлди.
Суратда Йигитали Мамажонов чимилдиқда бир келинчак билан ўтиргани акс этган. Бу сурат қачон, қаерда, қай мақсадда олинганини аниқлаш мақсадида журналист Феруз Муҳаммад актёр билан боғланди.
«Бу сурат ёш режиссёр Малика Тешабоеванинг ишчи номи ‘Бегуноҳ’ бўлган фильми съёмкаси вақтида олинган. Фильмда ўртанча ўғил ролини ижро қиляпман», — деди Йигитали Мамажонов.
«Фильмнинг якуний номи ҳали тасдиқланмагани учун, бу ҳақда саҳифамда ёзмаган эдим. Суратда ёнимдаги қиз — фильмдаги партнёрим, актриса Ситора Алимжонова», — дея қўшимча қилди актёр.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)