Македония пойтахти Скопьеда 6 август тунида рўй берган кучли жала оқибатида 15 киши ҳалок бўлди. Бу ҳақда, мамлакат ички ишлар вазирлиги баёнотига таяниб, «ТАСС» хабар бермоқда.

Қурбонлар Арачиново, Сингелич ва Стайковци аҳоли яшаш пунктлари учун тасдиқланди.

Бир неча соат давомида пойтахтда бир ойлик меъёрга тенг ёғингарчилик бўлиб ўтди. Жалага кучли шамол ҳамроҳлик қилди, бунинг оқибатида шаҳарнинг кўп ҳудудларида дарахтлар йиқилди. Канализация тизими бундай миқдордаги сувни тортиб кета олмади, натижада Скопьенинг бир қанча туманларида салкам дарёлар ҳосил бўлди. 30 дан ортиқ машиналар хавфли ҳудудларда қолиб кетди, одамлар ижтимоий тармоқлар орқали ёрдам сўрай бошлади.

«Скопье шаҳрининг барча хизматлари, ИИВ, армия сафарбар қилинди. Биз қўлимиздан келганини қилмоқдамиз», — деди шаҳар мери Коце Траяновский.