24 сентябрь куни «Истиқлол» санъат саройида «Менинг Тошкентим» мюзиклининг байрамона талқини премьераси бўлиб ўтади, деб ёзади «Газета.uz». Ташкилотчилар маълум қилишича, оилавий мусиқий-театр томошаси Ўзбекистон мустақиллигининг 25 йиллигига бағишланган.
«Менинг Тошкентим» мюзикли премьераси Тошкентда 13—14 май кунлари бўлиб ўтган эди. Ўшандаёқ мюзикл яратувчилари навбатдаги постановкани тайёрлаётгани маълум бўлганди.
«Постановкамизга — актёрлар, овоз, саҳна безаклари, хореографияга янада каттароқ кўламда ёндашдик. Бизда яхши мюзиклни янада яхшироқ қилиш имконияти бор», — дея янгиланган лойиҳага изоҳ берди постановкачи режиссёрлар Ҳасан ва Ҳусан Солиҳовлар.
Шунингдек, мюзиклда қўшимча персонажлар пайдо бўлади. Улардан бири грузиялик ва россиялик қўшиқчи ва актёр Сосо Павлиашвили бўлади. Мюзикл яратувчилари тафсилотларни олдиндан ошкор қилмаяпти, аммо Павлиашвили ўз-ўзини гавдалантириши ҳозирдан маълум.
Маҳалланинг бошқа фуқаролари ролини Асал Шодиева, Шадиша, Адиз Ражабов, Жасур Мирсоатов, Фотима Режаметова, Муҳаммадисо Абдулхайиров, Комила Зокирова, Акбар Отамуҳамедов кабилар ижро этади.
Изоҳ (0)