Тинч океанида олимлар шу пайтгача номаълум бўлган ҳаёт шаклларини аниқлади, улар Кларион-Клиппертон ҳудудида яшайди, дея хабар бермоқда «Корреспондент.net».
Ушбу чуқур сув остидаги текислик Калифорния ва Гавайи ороллари оралиғида жойлашган, унинг чуқурлиги тахминан тўрт минг метрга тенг. У ерга ёруғлик деярли етиб бормайди, сув ҳарорати эса Цельсий бўйича ноль даражадан бироз юқори, холос.
Кларион-Клиппертон ҳудудидаги текислик юзасидан океанологлар тирик жонзотларнинг 12 хил намунасини топди, уларнинг саккизтаси фанга бутунлай номаълум бўлиб чиқди, иккитаси эса шунчаки янги тур бўлиб қолмай, янги уруғ ёки ҳатто оиладир.
Олимлар фикрича, ушбу биохилма-хиллик муҳитнинг ўзига хослиги — марганец конкрециялари мўллиги билан боғлиқдир.
Изоҳ (0)