Халқаро Олимпия Қўмитаси президенти Томас Бах ижтимоий лойиҳалардан бирини амалга оширишда иштирок этиб, Рио-де-Жанейро соҳилларидан бирида ўсмир болаларга қарши футбол ўйнади. Бу ҳақда «ТАСС» Олимпиада—2016 расмий сайтига таяниб хабар берди.
Тадбирда 1994 йилги Жаҳон Чемпионатида зафар қучган, ҳозирда эса «Васко да Гама» клубига устозлик қилаётган Жоржиньо, 2012 йилги Олимпиада ўйинларида кумуш медални қўлга киритган «Фламенго» ҳужумчиси Леандро Дамиан, волейболчи Марселиньо ва соҳил волейболининг собиқ юлдузи Жоржиньо ҳам иштирок этди.
«Мен ҳар доим футбол мухлиси бўлиб келганман», — дея таъкидлади Томас Бах. — «Ёшлигимда футбол ўйнаб юрардим, лекин ота-онам мени қиличбозлик тўгарагига беришди. Мен ҳозир ҳам тўп тепишдан роҳат оламан».
Томас Бах 1976 йил Олимпиадасининг рапира туридаги жамоавий баҳсларда чемпионликни қўлга киритган.
Рио-де-Жанейро Олимпиадаси 5—21 август кунлари бўлиб ўтади.
Изоҳ (0)