Ҳиндистонни ҳажв қилиб, Болливудга йўл излаётган икки швециялик йигит Instagram юлдузига айланди

Швециялик Йохан Бартоли ва Хампус Бергквист Instagram’даги саҳифасида Ҳиндистонни ҳажв қилиб, ушбу мамлакат фойдаланувчилари орасида чинакам юлдузга айланди. Бу ҳақда TJournal хабар бермоқда.

25 ёшли Бартоли ва 26 ёшли Бергквист университетда дўстлашган эди. Уларни Болливудга бўлган умумий муҳаббат бирлаштирган эди. Ўқиш тугагач, улар Мумбаига ўн ойга бориб, Ҳиндистон кино оламини забт этишга қарор қилди.

https://www.instagram.com/p/BHHfkmWD-vm/

2015 йил сентябрида улар «Болливуддаги икки чет эллик» номли лойиҳани ишга тушириб, у орқали Ҳиндистонда бир қадар шуҳратга эришди. Уларнинг Facebook’даги саҳифаси обуначилари сони 417 минг кишига етди.

https://www.instagram.com/p/BHtektmDJ-f/

Ҳажвий блог Ҳиндистондаги ҳаётни кинояли тасвирлайдиган қисқа скетчлардан иборат. Ушбу лойиҳа орқали бир қадар танилиб қолган швециялик йигитлар маҳаллий сериаллар ва реклама роликларида қисқа ролларга таклиф этила бошланди. Европача кўринишлари туфайли уларга русларнинг, испанларнинг ва британияликларнинг роллари берилди.

https://www.instagram.com/p/BH6soOijl7k/

Айниқса маҳаллий моторикшалар феъл-атворини масхараловчи қисқа ролик швециялик ҳаваскорларга чинакам шуҳрат келтирди.

https://www.instagram.com/p/BGttvDnrM0e/

Айрим роликларда Бартоли ва Бергквист чет элликлар Ҳиндистонда тушиб қоладиган вазиятларни ҳажв остига олади. Масалан, Мумбаида йўлни кесиб ўтиш осон эмас; ёки рикшалар шу қадар гапга кўнмаски, уларга гўё пул керак эмасдек.

https://www.instagram.com/p/BHTrxQvjf02/

Комик скетчларни суратга олишдан ташқари, швециялик йигитлар дарҳақиқат ушбу мамлакатда ўз ўрнини топишга уринмоқда. Улар кастингларга кўп вақт сарфламоқда, ҳинд тилини ўрганмоқда, хуллас, Болливудда карьера қилишга чин юракдан интилмоқда.