USAID Хоразм вилояти силга қарши курашиш диспансери билан ҳамкорликда 2016 йилнинг 21—22 июль кунлари Урганч шаҳрида ва Хоразм вилоятининг Боғот туманида «саломатлик ярмаркалари»ни ўтказди. Бу ҳақда USAID’нинг силга қарши кураш бўйича дастури «Дарё»га маълум қилди.
Тадбирда силга чалинган беморлар, уларнинг оилалари ва маҳалла вакиллари иштирок этди. Бу каби ярмаркалар маҳалла аҳолисини хасталикка қарши курашишга жалб этишга, уларнинг касалликнинг олдини олиш чоралари ва даво усуллари ҳақида хабардорлигини ошириш, шунингдек, силга чалинган беморлар ва уларнинг оилаларига зарур ёрдам кўрсатишга имкон туғдиради.
USAID’нинг кўмаги билан жорий йилда Бухоро, Қашқадарё, Хоразм ва Навоий вилоятларининг барча 49 та туманида бўлиб ўтадиган «саломатлик ярмаркалари»да уч мингдан ортиқ бемор ва уларнинг оила аъзолари иштирок этади.
USAID жами бюджети 7,6 миллион АҚШ долларидан иборат беш йиллик дастур ёрдамида Ўзбекистон ҳукуматининг силга қарши кураш бўйича саъй-ҳаракатларини қўллаб-қувватламоқда.
Изоҳ (0)