24 июль куни 19:00 да старт оладиган Ўзбекистон ва Ироқ миллий терма жамоалари ўртасидаги ўйин учун бош мураббий Самвел Бабаян бошланғич таркибни эълон қилди. Ундан «Пахтакор» футбол клубининг етти нафар ўйинчиси жой олди.
Ўзбекистон Футбол Федерациясининг Telegram’даги канали маълумотига кўра, Ўзбекистон миллий терма жамоасининг ҳимоя қўрғонидан фақат «пахтакорчилар» жой олди: Станислав Андреев, Азим Аҳмедов, Камолиддин Тожиев ва Даврон Ҳошимов.
Ярим ҳимояда эса «Пахтакор»нинг уч нафар футболчиси тўп суради: Жавоҳир Соҳибов, Жамшид Искандаров ҳамда Шерзод Каримов.
Олий Лига 1-давраси якунига кўра «Пахтакор»дан олдинроқ ўринлардан жой олган «Локомотив» ва «Бунёдкор»нинг икки нафардан футболчиси таркибга киритилди. Энг орқа ва энг олди чизиқда Игнатий Нестеров ва Марат Бикмаев тўп суради. Ўртада эса Элдор Шомуродов ҳамда Отабек Шукуров бор.
Изоҳ (0)