Тунисдаги аксилтеррорчилик операцияси давомида бир нафар ҳарбий хизматчи ҳалок бўлди
Туниснинг Касерин тоғли провинциясида (Жазоир билан чегара яқинида, мамлакат ғарбида) ўтказилган аксилтеррорчилик операцияси давомида бир нафар ҳарбий хизматчи ҳалок бўлди. Бу ҳақда республика миллий мудофаа вазирлиги матбуот хизмати раҳбари подполковник Белхасен Уэслати маълум қилди, дея хабар бермоқда «ТАСС».
«Ҳарбий хизматчи Касерин провинциясида террорчиларни қидириш ва йўқ қилиш бўйича махсус операция давомида Саммама тоғида пиёда аскарларга қарши қўлланадиган мина портлаши оқибатида ҳалок бўлди», — деди бошқарма вакили.
Аввалроқ Туниснинг Business News ахборот портали армия бўлинмаси Саммама тоғи ҳудудида жангарилар гуруҳи борлиги ҳақида маълумот олгандан сўнг, 21 июль кечаси ҳудудни артиллерия қуролларидан ўққа тутганлигини маълум қилган эди.
