Жанубий Суданнинг Жуба шаҳрида 8 июль, жума куни кечқурун мамлакат президентига содиқ ҳарбийлар ва собиқ исёнчилар ўртасида юзага келган тўқнашувлар оқибатида 150 дан ортиқ одам ҳалок бўлди. Бу ҳақда 9 июль, шанба куни исёнчиларнинг собиқ етакчиси Риек Машарнинг расмий вакили Роман Нияржи AFP агентлигига маълум қилди, деб хабар бермоқда «ТАСС».
«Қурбон бўлганларнинг сони 150 кишидан ошди», — деди у.
Аввалроқ Reuters агентлиги 115 кишининг ҳалок бўлганлигини маълум қилган эди.
Агентлик маълумотларига қараганда, тўқнашувлар мамлакат президенти Салва Киир ва Машар ўртасида президент қароргоҳида бўлиб ўтаётган музокаралар давомида юзага келган. Ҳар иккала сиёсатчи можарони келтириб чиқарган сабаблардан хабардор эмаслигини маълум қилди ва тарафдорларини тинчланишга чақирди.
Изоҳ (0)