Тошкентда Ҳайит муносабати билан автобуслар ҳам 6 июль куни 3:30 дан иш бошлайди

Тошкент шаҳрида Рамазон Ҳайити муносабати билан 6 июль, чоршанба куни жамоат транспорти ишни 3:30 дан бошлайди. Бу ҳақда «Газета.uz» хабар бермоқда.

Жамоат транспортининг 3:30 дан иш бошлаши ҳақидаги эълонлар автобусларда жойлаштирилди.

Аввалроқ Рамазон Ҳайити муносабати билан Тошкент метрополитени 6 июль, чоршанба куни ишни 3:30 дан бошлаши ҳақида хабар берилганди.

Эслатиб ўтамиз, Тошкент шаҳридаги масжидларда Ҳайит намози 2016 йил 6 июль, чоршанба куни тонг соат 05:15 да ўқилади. Рамазон Ҳайити нишонланадиган куни Ўзбекистоннинг фақат тоғли ҳудудларида ёғингарчилик кутилади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.