КХДР АҚШни Вашингтон томонидан бўлаётган душманларча сиёсат шароитида ўз ядро салоҳиятини мустаҳкамлашда давом этиши, унинг ҳужумкор қудрати АҚШ учун «доимий хавф» туғдиришига интилиши ҳақида хабардор қилди, деб ёзади «ТАСС». КХДРнинг БМТдаги доимий ваколатхонаси маълум қилишича, тегишли нота АҚШ дипломатик миссиясига йўналтирилган.
Нота Давлат департаментининг КХДР томонидан ўтган ҳафтада ўтказилган ракета синовлари БМТ Хавфсизлик Кенгаши резолюциясини бузиши, шунингдек, минтақадаги вазиятни беқарорлаштириши ҳақидаги даъволарига жавоб бўлди.
Дипломатик нотада айтилишича, АҚШнинг душманларча сиёсати давом этиб, ядро хавфи сақланар экан, Пхеньян ўз-ўзини мудофаа қилиш мақсадида ядро кучларини мустаҳкамлашда давом этади.
Нашр эслатишича, 23 июнь куни КХДР «ер—ер» синфидаги ўрта ва узоқ масофаларга парвоз қилувчи «Хвасон-10» стратегик баллистик ракетасини учиргани ҳақида хабар берилган эди.
Изоҳ (0)