Chrome’да кенгайтмаларсиз амалга ошириш мумкин бўлган 15 та нарса
«Лайфхакер» Google Chrome учун 15 та энг фойдали маслаҳат ва трюклар рўйхатини тақдим этди, улар сизга ҳеч қандай кенгайтма (extension, расширение)лардан фойдаланмасдан туриб, браузерда кўпроқ нарсаларни амалга оширишда ёрдам беради.
Фото: «Techyuga.com»
Веб-саҳифаларни PDF форматда сақлаш
Скриншот: «Лайфхакер»Google Chrome ички PDF-принтерга эга. Ҳар қандай саҳифани очиб, Ctrl + P’ни босинг ва мавжуд принтерлар орасидан «PDF сифатида сақлаш»ни танланг.
Ўз хоҳишингизга қараб клавишлар бирикмасини яратиш
Скриншот: «Лайфхакер»Google Chrome’да кўплаб клавиатура бирикмалари мавжуд, аммо сиз уларни нафақат ўзгартиришингиз, балки ўз бирикмаларингизни ҳам яратишингиз мумкин.
Ташриф буюрилган сайтлар рўйхатини танлаб тозалаш
Google Chrome тарихи (chrome://history) «Барчасини танлаш» пунктига эга эмас, ва масалан, ташриф буюрилган 20 та саҳифани ўчирмочи бўлсангиз, уларнинг барчасини «галочка» билан белгилаш керак бўлади. Аммо, агар биринчи элементни белгилаб, сўнг Shift тугмасини босиб турган ҳолда сизга зарур чекбокснинг энг сўнггисини белгиласангиз, рўйхатдаги барча элементлар белгиланади.
Chrome дўконидан ташқаридаги кенгайтмани ўрнатиш
Браузернинг сўнгги версиялари бегона кенгайтмаларни ўрнатишга йўл қўймайди. Буни алдаб ўтиш учун, браузер менюсига ишлаб чиқувчи режимини киритиб, браузер ойнасига CRХ кенгайтмали файлни сичқонча орқали олиб бориш мумкин.
Бунинг учун «Инструментлар» менюсини очиб, «Ишлаб чиқувчи инструментлари»га киринг ва консолни очиш учун Esc’ни босинг. Emulation вкладкасини очиб, Sensors’ни танланг ҳамда кенглик ва узунликка ҳар қандай рақамларни киритинг.
Юлдузчалар тагига яширинган паролингизни ўқиш
«Ишлаб чиқувчи инструментлари»ни очинг, саҳифадаги парол майдонини танланг ва майдон турини Password’дан Text’га ўзгартиринг. Муқобил усул — chrome://settings/passwords вкладкасида зарур паролни топиш.
Бевосита манзил қаторига хат ёзиш
Хат олувчининг манзили кўрсатилган mailto буйруғи (масалан, mailto:recipient@domain.com) Gmail’да янги хат ёзиш учун ойнани очиб беради.
Chrome’да қайдлар ёзиш
Бунинг учун янги вкладка очиб, манзил қаторига
data:text/html, <html contenteditable>
деб киритинг. Вкладканинг ичига курсорни қўйиб, матн ёзишни бошланг.
Chrome’дан медиаплеер сифатида фойдаланиш
Бунинг учун аудио ёки видеофайллар, матнли файллар, PDF ҳужжатларни локал дискдан Google Chrome ойнасига ташланг.
Flash’ни фақат зарур вақтда юклаб, барқарорликни ошириш
Скриншот: «Лайфхакер»
Chrome://settings/content’ни очиб, «Уланадиган модуллар» менюсидаги «Эшитиш/кўриш учун босинг» пунктини танланг. Шунда буни талаб қиладиган навбатдаги сайтда ўзингиз ишга туширмагунингизча, Flash Player ўчиқ ҳолда қолади.
Интернет алоқаси секин ишлаётганда мобил қурилмага «айланиш»
Интернет алоқаси кучсиз бўлганида браузер ўзини мобил қурилма деб кўрсатиши мумкин, шунда кўпчилик сайтлар ўзининг мобил версиясини очади. Бунинг учун «Ишлаб чиқувчи инструментлари»дан Emulation вкладкасига ўтинг ва User Agent пунктидаги Android ёки iOS’ни танланг.
Манзил қаторидан баъзи линкларни олиб ташлаш
Манзил қаторига бир нечта белги киритишингиз билан сизга калит сўзлар рўйхати кўринади, улар орасида ўзингиз аввалроқ ташриф буюрган сайтлар линклари ҳам бўлади. Уларнинг баъзиларини ўчирмоқчи бўлсангиз, зарур линкни танлаб, Shift + Delete’ни босинг, шунда у бутунлай ўчиб кетади.
Саҳифани Google кэшидан кўриш
Бунинг учун манзил қаторига зарур линкни теринг, унинг олд қисмига «cache:» деб ёзинг ва Enter’ни босинг. Шунда сизга саҳифанинг кэшдаги версияси (у мавжуд бўлса, албатта) очилади.
Изоҳ (0)