Оғир хасталикка чалинган бола Грозний — Москва самолётида парвоздан 28 дақиқа ўтиб, вафот этди, дея хабар бермоқда «ТАСС» Россия Тергов қўмитасига таяниб.
«Грозний аэропортига UTair авиакомпаниясининг Грозний — Москва йўналиши бўйича рейсни амалга ошираётган Boeing 737 самолёти қўнишга мажбур бўлди. Шошилинч қўнишга оғир хасталикдан азоб чеккан чеченистонлик олти ёшли боланинг аҳволи кескин ёмонлашгани сабаб бўлди. Болани қутқариб бўлмади, у самолёт бортида вафот этди», — дейилади хабарда.
Самолёт Грозний аэропортидан Москва вақти билан 19:08 (Тошкент вақти билан 21:08)да учиб кетиб, 19:36 (21:36)да ортига қайтган. Бортда 92 йўловчи ва беш нафар экипаж аъзоси бўлган.
Изоҳ (0)