GM Uzbekistan’нинг раддияси, Тошкентдаги зилзила, Евроиттифоқдан чиқиш учун овоз бераётган Британия ва куннинг бошқа муҳим янгиликлари

23 июннинг эътиборга молик янгиликлари — «Дарё»нинг кечки дайжестида.

1. GM Uzbekistan заводнинг ёпилгани ва ходимлар ҳибсга олингани ҳақидаги миш-мишларни рад этди. Асакадаги автозавод айни пайтда одатий режимда ишламоқда, дея таъкидлашди матбуот хизматидагилар.

2. Тошкентда 2 баллик ерости силкинишлари сезилди. Зилзила эпицентри Афғонистондаги Ҳиндикуш тоғларида бўлиб, Тошкентдан 517 километр узоқликда жойлашган.

3. Дэвид Кэмерон Буюк Британиянинг Евроиттифоқдаги аъзолиги масаласида ўтказилаётган референдумда овоз берди. Вазиятнинг чигаллиги шундаки, бош вазирнинг ўзи Евроиттифоқ билан муносабатлар узилишига қарши.

4. Шимолий Корея ракета синовлари муваффақиятли ўтганини билдирди. 22 июнь, чоршанба куни Пхеньян «Мусудан» туркумига мансублиги тахмин қилинган баллистик ракеталар синовини ўтказди.

5. Омар Моманининг Евро—2016 гуруҳ босқичи учун чизган карикатуралари. Гуруҳ босқичи якунига етди, лекин бу карикатуралар у анчагача ёдимиздан кўтарилмайди.

Бонусига фото — «Ангрен—Поп» темирйўлининг ишга туширилиши

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.