Тошкентда Hyatt Regency меҳмонхонаси қуриб битказилди

Тошкентда Шанхай ҳамкорлик ташкилоти саммити арафасида беш юлдузли Hyatt Regency Тashkent меҳмонхонаси қуриб битказилди, деб ёзади UzDaily.

Hyatt Regency Тashkent меҳмонхонаси ШҲТ саммитида қатнашиш учун келган илк меҳмонларини қабул қилди.

Тошкентда ушбу меҳмонхона 2013 йилда қурила бошлаган эди. Лойиҳа қиймати тахминан 205 миллион долларга тенг.

Лойиҳа Ўзбекистон Тикланиш ва тараққиёт жамғармасининг 42 миллион долларлик, Халқ банкининг 100 миллиард сўмлик кредитлари ва Тошкент маъмуриятининг ўз маблағлари ҳисобидан молиялаштирилди.

Эслатиб ўтамиз, меҳмонхона ҳудудида 300 та хона бўлиб, улардан 38 таси «люкс» тоифасига киради. Булардан ташқари, 5 та дипломатик хона, шунингдек, битта президентлик хонасига хизмат кўрсатилади. Хоналар майдони 35–190 квадрат метр орасида.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.