АҚШга тегишли Гуантанамодаги (Куба) қамоқхонанинг камида 12 нафар маҳбуси озод қилинганидан сўнг Афғонистонда америкаликларни ўлдирган ва уларнинг иттифоқдошларига ҳужумлар уюштирган. Бу ҳақда Оқ уй вакилига таяниб, Washington Post маълум қилди, дея хабар беради «ТАСС».
«Обама маъмурияти Гуантанамодаги қамоқхонадан озод қилинган камида 12 нафар маҳбус Афғонистонда АҚШ ва унинг иттифоқдошлари кучларига ҳужумларда иштирок этганлигини тахмин қилади. Улар тахминан 6 нафар америкаликнинг умрига зомин бўлган», — дейилади газета мақоласида.
Оқ уй маълумотларига кўра, Гуантанамодан 2009 йилгача озод қилинган 542 нафар тутқундан 21 фоизи жанговар ҳаракатларда иштирок қилишда давом этган. Обама президентлигида эса 158 кишидан атиги 4,5 фоизи экстремистик фаолиятини тиклаган. Америкалик ҳуқуқ ҳимоячилари бу рақамларга ишонмайди, чунки уларни текшириб кўришнинг имкони йўқ.
Қамоқхона очилган 2002 йилдан бери бу ердан 700 нафар маҳбус озод этилган, 80 киши ҳозир ҳам панжара ортида қолмоқда.
Изоҳ (0)