Миср суди 7 июнь, сешанба куни икки йил аввал мамлакат жанубидаги қабилалараро тўқнашувга алоқадор 25 кишига нисбатан чиқарилган ўлим жазоси ҳукмини тасдиқлади, деб ёзади «ТАСС» «Ал-Аҳрам» нашрига таяниб.
Мисрдаги юридик амалиётга мувофиқ, айбланувчи ўлимга маҳкум этилса, ҳукм биринчи марта ўқиб эшиттирилгач, ҳужжатлар мамлакат олий муфтийсига имзолаш учун йўналтирилади, агар у тасдиқланса, суд якуний ҳукмни ўқиб эшиттиришга мажбур.
Суд 2014 йил апрелида Қоҳирадан жанубдаги Асуан шаҳри ташқарисида жойлашган қишлоқда иккита оила ўртасидаги оммавий тўқнашувлар ҳақидаги ишни кўриб чиқди. Ўшанда арабларнинг Бани Ҳалол ва нубийларнинг Дабудия қабилалари ўртасидаги можаро қабилалардан бирига тегишли қизга жинсий зўравонлик қилиниши натижасида келиб чиққан ва 28 кишининг ўлимига олиб келган эди.
Иш бўйича жами 163 киши судланди, уларнинг 138 нафари уч йилдан бир умргача бўлган турли муддатларга қамалди.
Изоҳ (0)