АҚШ собиқ давлат котиби ва собиқ биринчи хоними Ҳиллари Клинтон 7 июнь, сешанба куни АҚШ президентлик лавозими учун курашда Демократик партиядан рақиби, Вермонт штати сенатори Берни Сандерс устидан ғалаба қозонганлигини нишонлади. Бу ҳақда «ТАСС» хабар бермоқда.
Клинтон бешта штатдан иккитасида ғалаба қозонди, бирида сенатор билан тенг овоз тўплаган, яна бирида эса катта фарқ билан етакчилик қилмоқда. Сандерс фақат битта штатда ғалаба қозонди.
АҚШ собиқ давлат котиби Нью-Мексико, Нью-Жерси ва Жанубий Дакотада зафар қучди. Калифорнияда 34 фоиз овозлар ҳисоблаб чиқилганда, у сайловчиларнинг 61,8 фоиз овозини тўплади, унинг рақиби учун 37,1 фоиз овоз берилган. Айнан ушбу штатдан АҚШ президентлик лавозими учун расман номзод эълон қилинадиган демократларнинг миллий съездига 546 нафар делегат йўл олади.
«Биз муҳим босқичга эришдик — мамлакатимиз тарихида илк бор аёл киши АҚШ президентлик лавозими учун йирик партиянинг номзодига айланади», — дея таъкидлади Ҳиллари Клинтон.
Изоҳ (0)