АҚШ қуруқликдаги қўшинлар махсус вазифалар бажарувчи отрядининг 11 нафар ҳарбий хизматчиси 3 июнь, жума куни Колорадодаги Роки-Маунтин тоғ тизмаси чўққисига кўтарилиш чоғида эвакуация қилинди. Бу ҳақда «ТАСС» хабар бермоқда.
Махсус отряд 4,3 километр баландликдаги Лонгс-Пик чўққисига машқ кўтарилишини амалга ошираётганди. Роки-Маунтин миллий боғи ходимлари 31 май, сешанба куни ҳарбий хизматчилар баландлик касаллиги туфайли ўзини нохуш ҳис этаётгани ва уларга ёрдам талаб этилиши мумкинлиги ҳақида хабар олди. Шундай бўлса-да, отряд командири чўққига кўтарилишни давом эттиришга қарор қилди.
Отрядни қутқариш учун 43 нафар ўрмончи сафарбар этилди. Вертолёт экипажи тоғдан барча ҳарбийларни олиб тушиши учун етти бор кўтарилишига тўғри келди.
Изоҳ (0)