Ўзбекистонлик истеъдодли теннисчи Жўрабек Каримов Франция пойтахти Париж шаҳрида бўлиб ўтаётган ўсмирлар ўртасидаги «Катта дубулға» туркумига кирувчи «Ролан Гаррос» теннис турнирини ғалаба билан бошлади.
Халқаро теннис федерацияси расмий сайтининг маълум қилишича, мазкур турнирнинг 8-ракеткаси сифатида таснифланган 17 ёшли Ўзбекистон вакили илк даврада италиялик Лиам Каруанага қарши кортга чиқиб, 6:4, 6:3 ҳисобида зафар қучди.
Мусобақанинг иккинчи даврасида Жўрабек Каримов исроиллик Ишай Олиелга қарши баҳс олиб боради.
Ўсмирлар ўртасидаги «Ролан Гаррос» теннис турнирида ўзбекистонлик яна бир теннисчи – Ҳумоюн Султонов ҳам иштирок этмоқда. У биринчи даврада мезбон теннисчи Корентин Муте билан куч синашади.
Изоҳ (0)