Таиланд қироличаси Сирикит Бангкокдаги Сирират касалхонасида бош миянинг қон билан етарлича таъминланмаётганини аниқлаш учун тиббий кўрикдан ўтди, дея хабар бермоқда «РИА Новости» Таиланд Қироллик саройи бюроси тарқатган ахборотномага таяниб.
Тиббий кўрик натижасида қироличада мия қон билан етарлича таъминланмаётгани муаммоси ҳамон борлиги, аммо 2012 йилдаги текширувдан буён салбий ўзгаришлар кузатилмагани маълум бўлди.
Қиролича Сирикит айни пайтда 83 ёшда бўлиб, у турмуш ўртоғи, 88 ёшли қирол Пхумипхон Адульядет билан бир неча йилдан буён Бангкокнинг Сирират касалхонасидаги махсус қироллик апартаментларида шифокорларнинг доимий назорати остида яшаб келади.
Изоҳ (0)