Япония бош вазири Синдзо Абэ Хонсю оролидаги Миэ префектурасида, Исэ ибодатхонаси ёнида G7 саммити меҳмонларини кутиб олди. Бу ҳақда «Газета.ru» хабар бермоқда.
Бу 2008 йилда Хоккайдодаги учрашувдан сўнг, Япониядаги биринчи саммитдир. Ибодатхонадаги маросимдан сўнг раҳбарлар саммит майдончаси, Кашикожима оролидаги меҳмонхонага йўл олади.
Тушлик давомида раҳбарлар G7 қадриятлари, бирдамлик ва глобал иқтисодиёт ҳақида суҳбатлашиши маълум қилинмоқда.
Глобал иқтисодий ўсишни қўллаб-қувватлаш, терроризмга қарши курашиш, қочоқлар ва иқлим ўзгариши билан боғлиқ вазиятлар кейинги бешта сессияда муҳокама этилувчи мавзулар қаторидан жой олган.
Саммит якуни бўйича декларация 27 май, жума куни чоп этилади.