Brent маркасидаги нефть нархи 2015 йил 4 ноябридан буён биринчи марта баррелига 50 доллардан ошди, дея хабар бермоқда «ТАСС».
Brent нефти июль фьючерсларининг максимал нархи баррелига 50,08 долларга етди, бу ҳақда Лондоннинг ICE Futures Europe биржаси маълумотлари гувоҳлик бермоқда.
WTI маркасидаги нефть ҳам 2015 йил ноябридан буён энг қиммат даражага етди ва баррелига 49,88 долларни ташкил этди, Нью-Йоркнинг NYMEX товар биржаси маълумотлари шундан дарак бермоқда.
Нефть фьючерслари нархининг ошиши 25 май, чоршанба куни АҚШ томонидан нефть хомашёси захиралари сезиларли даражада қисқартирилгани ҳақида маълумотлар чоп этилиши билан боғлиқ.
Изоҳ (0)