Россиянинг «НТВ» телеканали суратга олиш гуруҳи «Донецк халқ республикаси» назорати остидаги ҳудудда ўқ ёмғири остида қолди, деб ёзади Meduza телеканал сайтига таяниб.
Ҳодиса Ясиноватая шаҳри ҳудудида Донецк—Горловка трассасида содир бўлди. «НТВ» ходими Даниил Левин маълум қилишича, ўқ украиналик ҳарбийлар томонидан ёғдирилган. «… Ўқлар айни бошларимиз устидан учиб ўтди», — деди у.
Бунга жавобан исёнчилар ҳам ўт очишга мажбур бўлди. Айни пайтда «НТВ» ходимлари хавфли ҳудудни тарк этиб, Донецкка йўналмоқда. Уларга ҳамроҳлик қилаётган исёнчилардан бири ушбу ҳужум чоғида яраланди.
Изоҳ (0)