Футбол бўйича Ўзбекистон миллий терма жамоаси Қирғизистонга қарши ўртоқлик ўйинида майдонга тушади. Беллашув 2 июнь куни Тошкент шаҳрида бўлиб ўтади, деб хабар берди «Championat.asia».
Ўзбекистон футбол федерацияси расмий сайти Қирғизистон билан ўйин ўтишини расман тасдиқлаганича йўқ. «Championat.asia»нинг ёзишича, Қирғизистон 2 июнь куни Ливан билан ўртоқлик ўйинида иштирок этиши керак эди. Бироқ Ливан томони келишувни бекор қилишни маъқул кўрган.
Маълумот учун, Қирғизистон терма жамоаси ФИФА рейтингида 100-ўриндан жой олган. Ўзбекистон терма жамоаси Қирғизистонга қарши жами 6 та ўйинда иштирок этган бўлиб, уларнинг барчасида йирик ҳисобда зафар қучган. Рақиби дарвозасига 25 та гол уриб, 2 та тўп ўтказиб юборган.
Май ойининг сўнгги уч куни ва июннинг дастлабки саккиз куни ФИФА учун ажратилган бўлиб, унда бир қатор халқаро ўртоқлик ўйинлари бўлиб ўтади. Жумладан, ЖЧ—2018 3-саралаш босқичида Ўзбекистон билан бир гуруҳдан жой олган термалар ҳам ўртоқлик ўйинларида иштирок этади.29 майАлбания — Қатар31 майВьетнам — Сурия
1 июньИспания — Жанубий Корея
2 июньМакедония — ЭронЎзбекистон — Қирғизистон
3 июньТаиланд — СурияХитой — Тринидад ва Тобаго
5 июньЧехия — Жанубий Корея
7 июньКанада — ЎзбекистонХитой — Қозоғистон
Изоҳ (0)